Anonımýs betperdesin kıgender Temirtaýda úsh dúkendi tonap ketti
QARAǴANDY. QazAqparat - Temirtaýda Anonımýstyń betperdesin kıgen qaraqshylar úsh dúkenniń kassasyn úptep ketti, dep habarlaıdy «QazAqparat» HAA tilshisi.
Kásipkerler úsh dúkenniń tonalýy týraly aqparat taratqan. Olar betperde kıgen belgisiz bireýlerdiń tonaý kezindegi beınebaqylaýǵa túsip qalǵan vıdeosyn jarııalap, shaǵyn jáne orta bıznes ókilderin kommertsııalyq nysandardyń kúzetin kúsheıtýge shaqyrdy.
«Úsh saýda nysanynyń kassalaryn qarýly shabýylshylar tonap ketken. Olar: 8-yqsham aýdandaǵy «Pafos» dúkeni jáne «Chaıka», «Zıı» dúkenderi», - dep jazyp jatyr kásipkerler. Olar basqa dúkenderdiń ıelerin kúzetti nyǵaıtýǵa, dabyl júıesimen qamtamasyz etýge shaqyrady.
Óńirliń ІІD baspasóz qyzmeti ázirge qandaı da bir málimdeme jasaýdan bas tartty. «Qazirgi kezde pikir bildirýden aýlaqpyz», - deıdi ІІD baspasóz qyzmetindegiler.
