«Anonımder» túrik úkimetiniń saıtyna kıber-shabýyl jasady
ASTANA. 11 maýsym. QazAqparat - Beısenbi kúni, parlament saılaýyna úsh kún qalǵanda, «Anonımder» «Túrkııa operatsııasy» degen kodpen túrik úkimetiniń saıtyna kıber-shabýyl jasady, dep habarlaıdy Euronews.
Saıyp kelgende, «Vıkılıks» negizin salýshy Djýlıan Assandjdy qoldaý arqyly dańqyn shyǵarǵan erkin ınternet belsendileri Ankaraǵa jańa súzgiler júıesin engizýge qarsy narazylyq bildirdi.
Tańerteńnen bastap Túrkııanyń áskerı-teńiz flotynyń, sondaı-aq Aqparattyq jáne kommýnıkatsııalyq tehnologııalar basqarmasynyń veb-saıtyna kirý múmkin bolmady. Olar provaıderlerden tórt súzginiń birin («standartty», «balalar», «otbasylyq» jáne «úıge arnalǵan») ornatýdy talap etti. Tamyz aıynda kúshine enetin zań avtorlarynyń pikirinshe, ol balalardy qajetsiz aqparattardan qorǵaıdy.
Mamyr aıynyń ortasynda Internettegi shekteýge qarsy narazylyq bildirý maqsatynda ondaǵan myń adam túrik qalalarynyń kóshelerine shyqty. Túrkııada Youtube-ge qoljetimdilikke 2007 jyly, qazirgi túrik memleketiniń negizin salǵan Atatúrikti qorlaǵan rolık shyqqannan keıin tyıym salyndy.
