Anomaldi ystyq: Italııanyń birqatar qalasynda aýa raıy tótenshe sıpat aldy

ASTANA.KAZINFORM — Italııanyń 16 qalasynda anomaldi ystyqqa baılanysty qaýiptiliktiń qyzyl deńgeıi jarııalandy, dep jazdy Azertadj.

Afrıkalyq antıtsıklonnyń kúsheıýine baılanysty Italııada kún shyjyp tur. 

Qaýiptiliktiń qyzyl deńgeıi jarııalanǵan qalalar qataryna el astanasy Rım, sondaı-aq Bolonıa, Boltsano, Breshıa, Kampobasso, Florentsııa, Frozınone, Genýıa, Latına, Mılan, Perýdja, Rıetı, Týrın, Venetsııa, Verona jáne Vıterbo kiredi.

Aldaǵy kúnderi elde aýa temperatýrasy 40 gradýstan joǵary bolady dep kútilýde. Sozylmaly aýrýlary bar adamdarǵa, ásirese júrek-qan tamyrlary aýrýlaryna shaldyqqandarǵa jáne joǵary sezimtaldyǵy bar azamattarǵa saqtyq sharalaryn qatań ustaný usynylady.

Halyqqa kóleńkede bolý, kúnniń ekinshi jartysynda syrtqa shyqpaý keńes etiledi.

Al Irakta rekordtyq aptap ystyqtan elektr júıesi isten shyqty.