Annalena Berbok BUU Bas Assambleıasynyń basshysy bolyp saılandy

ASTANA. KAZINFORM – Germanııanyń burynǵy Syrtqy ister mınıstri Annalena Berbok jańa halyqaralyq qyzmetke ıe boldy – ol BUU Bas Assambleıasynyń prezıdenti bolyp saılandy, dep habarlaıdy BILD. 

Daýys berý búgin tústen keıin ótti. Berbokty 167 el – Bas Assambleıa músheleriniń basym kópshiligi qoldady.

Annalena Berbok bul laýazymǵa jalǵyz úmitker boldy. Ol atalǵan el ókilderine senim bildirgeni úshin alǵys aıtty. 

BUU Bas Assambleıasynyń basshysy otyrystarǵa tóraǵalyq etedi, organnyń jumysyn úılestiredi, protsedýralardyń saqtalýyn qamtamasyz etedi jáne halyqaralyq arenada Assambleıa atynan ókildik etedi. Ol negizinen ókildik jáne uıymdastyrýshylyq fýnktsııalardy oryndaı otyryp, saıası sheshimder qabyldamaıdy.

Eske sala ketsek, buǵan deıin Qazaqstan prezıdenti Qasym-Jomart Toqaev Al Jazeera telearnasyna bergen eksklıýzıv suhbatynda Birikken Ulttar uıymyn reformalaýǵa qatysty paıymymen bólisken edi.