Annalena Berbok: BUU álemge óziniń qajettiligin dáleldeýi tıis
NЬıÝ-IORK. KAZINFORM — BUU Bas Assambleıasynyń joǵary deńgeıdegi pikirtalasy bastalar aldynda, 80-sessııanyń tóraıymy Annalena Berbok Birikken Ulttar Uıymyn aldaǵy onjyldyqtaǵy jahandyq syn-qaterlerge laıyqty jaýap bere alýy úshin ony jańartý men jańǵyrtýdyń mańyzdylyǵyn atap ótti, dep jazdy BUU resmı saıty.
Buǵan deıin Berbok aldaǵy jylǵa arnalǵan kózqarasyn «Birlesip áreket etý» uranymen jarııalap, birlik, yntymaq jáne ujymdyq qımyldy basty qaǵıdalar retinde ataǵan bolatyn.
Reforma qajet pe?
— Qandaı da bir eldiń — onyń kólemi, kúshi nemese baılyǵy qanshalyqty myqty bolsa da — biz betpe-bet kelip otyrǵan sheksiz syn-qaterlerge jalǵyz ózi qarsy turýy múmkin emes, – dedi ol sársenbi kúni Nıý-Iorkte jýrnalısterge bergen suhbatynda. — Bul uıym tereń bóliný kezeńinde — adamzat tarıhyndaǵy eń qarańǵy sátterdiń birinde dúnıege keldi. Biraq sol ýaqyt bizge BUU Jarǵysyn syılady. Ol búgin de bizge baǵyt-baǵdar berip, qandaı ortaq maqsatqa umtylatynymyzdy eske salyp otyrady.
Berboktyń aıtýynsha, seksen jyl — úlken kezeń, al dúnıe júzi bul ýaqyt ishinde túbegeıli ózgerdi. Sondyqtan BUU óz mereıtoıyn atap ótip jatqan dál qazirgi sátte, uıym jumysyn qaıta qarastyryp, jańǵyrtý qajet.
— Biz 8 mıllıard adamǵa — bul uıymnyń mańyzdy ekendigin kórsetýimiz kerek, – dedi ol.
Berbok sessııa barysyndaǵy jumystyń «BUU-80» reformalyq bastamasyn ilgeriletýge, jańa Bas hatshyny tańdaýǵa, sondaı-aq «Bolashaq úshin Paktini» júzege asyrýǵa baǵyttalatynyn atap ótti.
Joǵary deńgeıdegi apta
Aldaǵy joǵary deńgeıdegi aptaǵa toqtalǵan Berbok shamamen 150 memleket pen úkimet basshylarynyń, sondaı-aq myńdaǵan delegattyń qatysýy kútiletinin aıtty. Ol dıplomatııa men dıalogtyń mańyzdylyǵyn álemdik kóshbasshylarǵa únemi eske salyp otyratynyn jetkizdi.
— Meniń kóshbasshylarǵa joldaıtyn úndeýim mynadaı bolady: sóılesińizder, tyńdańyzdar, talqylańyzdar, – dedi Bas Assambleıa tóraıymy.
Ol kelesi negizgi is-sharalardy erekshe atap ótti:
• BUU-nyń 80 jyldyǵyna arnalǵan saltanatty otyrys;
• Palestına máselesi boıynsha beıbit sheshimge qol jetkizýge arnalǵan konferentsııa;
• Áıelderdiń jaǵdaıy jónindegi tórtinshi Búkilálemdik konferentsııanyń jáne Jastarǵa qatysty jahandyq is-qımyl baǵdarlamasynyń 30 jyldyǵyna arnalǵan joǵary deńgeıdegi kezdesýler;
• Juqpaıtyn aýrýlardyń aldyn alý jáne olarǵa qarsy kúres, sondaı-aq psıhıkalyq densaýlyq pen ál-aýqatty nyǵaıtý jónindegi jıyn;
• Rohındja musylmandary men Mıanmadaǵy basqa da az ulttardyń jaǵdaıy jónindegi konferentsııa;
• ıAdrolyq qarýdy tolyq joıý jolyndaǵy halyqaralyq kúres kúnine arnalǵan arnaıy sessııa.
Berik ustanym
Berboktyń aıtýynsha, BUU shekteýli resýrstarmen barǵan saıyn kúrdeli máselelerge tap bolyp otyr.
— Biz tańdaý sátine keldik – bul Birikken Ulttar Uıymy men kópjaqty áriptestiktiń shynaıy syn sáti. Biraq dál qazir biz burynǵydan da qajyrly eńbek etýimiz kerek. 1945 jyly bizdiń izasharlarymyz pikir qaıshylyqtaryn eńserip, birlese áreket etýge batyldyq pen kóregendik tanytty. Búginde bizge dál sondaı berik ustanym qajet, – dedi ol.
Berbok bul ustanymdy pikirtalastar kezinde jáne búkil sessııa barysynda álemdik kóshbasshylarǵa jetkizetinin aıtyp, bylaı dep túıindedi:
— Ýádelerdi — naqty is-qımylǵa, mindettemelerdi — progreske, úmitti — shynaıy nátıjege aınaldyrý úshin jumys isteýimiz kerek.
Aıta keteıik, BUU Bas Assambleıasy jıynynda sóz alǵan Donald Tramp BUU-ny synǵa aldy.