21:54, 20 Tamyz 2025 | GMT +5
Anna Stratan álem chempıonatynda qola júldeger atandy
ASTANA. KAZINFORM — Áıelder kúresinen Qazaqstan quramasynyń ókili Anna Stratan U20 sanatyndaǵy álem chempıonatynda qola júldege ıe boldy, dep habarlaıdy Ulttyq olımpıada komıteti.

Dúbirli doda Bolgarııanyń Samokov qalasynda ótip jatyr.
Sportshy 57 kelige deıingi salmaq dárejesinde úshinshi oryn aldy.
Sheshýshi beldesýde Stratan Shvetsııa sportshysy Tındra Dalmırdi 9:1 esebimen jeńdi.
Buǵan deıin qazaqstandyq erkin kúres sheberi Kamıl Kýrýglıev (92 keli) Bolgarııanyń Samokov qalasynda ótip jatqan 20 jasqa deıingiler arasynda álem chempıonatynda kúmis júldeger atanǵanyn jazǵanbyz.
Sondaı-aq qazaqstandyq balýan Edige Qasymbek erkin kúresten U20 sanatyndaǵy álem chempıonatynda altyn júlde enshiledi.