Anna Orlıak ýshýdan álem chempıonatynda «kúmis» enshiledi
ASTANA. QazAqparat - Aqtaýlyq sportshy Anna Orlıak ýshýdan álem chempıonatynyń kúmis júldegeri atandy, dep habarlaıdy QazAqparat Sports.kzsaıtyna silteme jasap.
Baıraqty doda osy kúnderi Bolgarııada ótip jatyr. Onda álemniń júzdegen atleti medaldar úshin baq talastyrýda.
Anna Orlıak ýshýdyń taıtszıtsıýan túrinde úzdik bolyp, ekinshi orynǵa ıe boldy. Mamandardyń aıtýynsha, chempıonattyń aýqymy men bedelin eskerer bolsaq, bul «kúmis» «altynmen» para-par.
Taıtszıtsıýan - ýshý túrleriniń biri. Saýyqtyrý jattyǵýy retinde keńinen tanymal. Biraq «tsıýan» sózi taıtszıtsıýanniń jaýyngerlik óner ekenin bildiredi.
Aıta keteıik, Anna Orlıak Qazaqstan atynan synǵa túsken jalǵyz sportshy. Ol buǵan deıin Brazılııada ótken álem chempıonatynda eki qola medal enshilegen bolatyn.
