Anna Danılına juptyq synda Istbýrn týrnıriniń shırek fınalyna shyqty

ASTANA. QazAqparat – Qazaqstannyń juptyq syndaǵy birinshi, álemniń 24-raketkasy Anna Danılına Istbýrn (Ulybrıtanııa) WTA 500 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi qytaılyq Sıýı Ifanmen birge bastapqy kezdesýin japonııalyqtar Sıýko Aoıama – Ena Shıbaharamen ótkizdi.

Birinshi partııada qazaqstandyq-qytaılyq jup 7:5 esebimen basym tústi.

Ekinshi sette esep 5:5 bolǵan mezette breık jasaǵan S.Ifan men A.Danılına matchty jeńispen túıindedi – 7:5.

Saǵat jarymnan astam ýaqytqa sozylǵan báseke barysynda olar 2 eıs jasap, 8 breık-poınttyń teń jartysyn paıdalandy. Japonııalyq dýet 2 eıs, 2 breıkpen (5 breık-poınt) kózge tústi.

A.Danılına men S.Ifannyń shırek fınaldaǵy qarsylastary anyqtalady.

Atalmysh dodada ıÝlııa Pýtıntseva reseılik Kamılla Rahımovamen birge óner kórsetedi. Qazaqstandyq-reseılik jup alǵashqy aınalymda jarystyń 1-raketkalary, amerıkalyqtar Korı Gaýff – Djessıka Pegýlamen sheberlik baıqasady.

Eske sala keteıik, budan buryn Aleksandr Býblıktiń álemniń 27-raketkasy atanǵanyn jazǵan bolatynbyz.

Sondaı-aq Elena Rybakına Istbýrn týrnırine qatysýdan bas tartty.

Ýımbldonda Tımofeı Skatov tartysty matchta qarsylasyna jol berdi.