Anna Danılına juptyq synda Gambýrg týrnıriniń fınalyna shyqty

ASTANA. QazAqparat – Qazaqstannyń juptyq syndaǵy birinshi, álemniń 25-raketkasy Anna Danılına Gambýrg (Germanııa) WTA 250 týrnıriniń fınalyna shyqty, dep habarlaıdy QazAqparat tilshisi.

Jarystyń 1-raketkasy bolyp tirkelgen qazaqstandyq tennısshi reseılik Aleksandra Panovamen birge jartylaı fınalda ıtalııalyqtar Angelıka Moratellı – Kamılla Rozatellomen baq synasty.

Birinshi partııada ıtalııalyq jup sátti oınady – 6:3.

Ekinshi sette taı-breıkte qazaqstandyq-reseılik dýet ese qaıyrdy – 7:6 (7:5). Sodan keıin sýper taı-breıkte jeńisti julyp aldy – 10:3.

Eki saǵatqa jýyq ýaqytqa sozylǵan báseke barysynda Anna men Aleksandra 12 breık-poınttyń tek úsheýin paıdalandy. Qarsylastary 3 eıs, 4 breıkpen (6 breık-poınt) kózge tústi.

Anna Danılına – Aleksandra Panova fınalda dodanyń 2-raketkalary, chehııalyq Mırıam Kolodzıeeva – amerıkalyq Anjela Kýlıkovamen bas júldeni sarapqa salady.

Eske sala keteıik, budan buryn Aleksandr Nedovesovtiń Horvatııadaǵy jarystyń shırek fınalyna shyqqanyn jazǵan bolatynbyz.

Sondaı-aq Beıbit Juqaev Ekvadordaǵy týrnırdiń shırek fınalyna ótti.

Prezıdent kýbogynda Denıs Evseev shırek fınalǵa shyqqandar qataryna qosyldy.