Anna Danılına juptyq synda Berlın týrnıriniń shırek fınalyna ótti

ASTANA. QazAqparat – Qazaqstannyń juptyq syndaǵy birinshi, álemniń 24-raketkasy Anna Danılına Berlın WTA 500 týrnıriniń shırek fınalyna shyqty, dep habarlaıdy QazAqparat tilshisi.

Jarystyń 4-raketkasy bolyp tirkelgen A.Danılına men qytaılyq Sıýı Ifan alǵashqy aınalymda germanııalyq Laýra Zıgemýnd – reseılik Vera Zvonarevamen sheberlik baıqasty.

Qazaqstandyq-qytaılyq jup qarsylastaryn 6:3, 6:1 esebimen ońaı jeńdi.

Bir saǵattan sál astam ýaqytqa sozylǵan kezdesý barysynda Danılına men Ifan 9 breık-poınttyń tórteýin múlt jibergen joq.

Qazaqstandyq-qytaılyq dýet jartylaı fınalǵa shyǵý úshin chehııalyqtar Katerına Sınıakova – Marketa Vondrýsovamen talasady.

Eske sala keteıik, budan buryn Elena Rybakınanyń Qazaqstanda balalardyń tennıspen kóbirek oınaı bastaǵany qýantatyny týraly aıtqanyn jazǵan bolatynbyz.

Sondaı-aq Elena Rybakına Berlın týrnırinde utylyp qaldy.