Anna Danılına Jańa Zelandııadaǵy jarystyń jartylaı fınalyna shyqty

Qazaqstannyń juptyq syndaǵy birinshi, álemniń 54-raketkasy Anna Danılına Oklend (Jańa Zelandııa) WTA 250 týrnıriniń jartylaı fınalyna shyqty, dep habarlaıdy Kazinform.

Jarystyń 2-raketkalary bolyp tirkelgen A.Danılına slovakııalyq Vıktorııa Grýnchakovamen birge shırek fınalda qytaılyqtar ıÝan ıÝe — Sıý Vanmen sheberlik baıqasty.

Birinshi partııada breık jasaǵan qazaqstandyq-slovakııalyq jup sol basymdyǵyn saqtap qaldy — 6:4.

Ekinshi sette qytaılyq dýet 3:1 esebimen alǵa ketkenimen, másele taı-breıkte sheshildi. Onda A.Danılına men V.Grýnchakova jeńisti julyp aldy — 7:6 (8:6).

Saǵat jarymnan astam ýaqytqa sozylǵan báseke barysynda olar 2 eıs jasap, 6 breık-poınttyń tórteýin óz esepterine jazdy.

Qytaılyqtar 3 eıs, 3 breıkpen (8 breık-poınt) kózge tústi.

Anna Danılına — Vıktorııa Grýnchakovanyń jartylaı fınaldaǵy qarsylastary keıin anyqtalady.

Eske sala keteıik, budan buryn Jibek Qulambaevanyń Taılandtaǵy jarystyń shırek fınalyna shyqqanyn jazǵan bolatynbyz.