Anna Danılına Varshava jarysynyń jartylaı fınalyna ótti
NUR-SULTAN. QazAqparat – Qazaqstannyń juptyq syndaǵy birinshi, álemniń 23-raketkasy Anna Danılına Varshava WTA 250 jarysynyń jartylaı fınalyna ótti, dep habarlaıdy QazAqparat tilshisi.
Týrnırdiń 4-raketkalary A.Danılına men germanııalyq Anna-Lena Frıdzam shırek fınalda rýmynııalyqtar Aleksandra Ignatık – Gabrıela Lımen sheberlik baıqasty.
Qazaqstandyq-germanııalyq jup 6:2, 6:3 esebimen jeńiske jetti.
Bir saǵattan sál astam ýaqytqa sozylǵan báseke barysynda Danılına men Frıdzam 2 eıs jasap, 9 breık-poınttyń tórteýin paıdalandy. Rýmynııalyqtar 1 eıs, 1 breıkten (7 breık-poınt) asa almady.
Qazaqstandyq-germanııalyq juptyń jartylaı fınaldaǵy qarsylastary keıin anyqtalady.
Eske sala keteıik, budan buryn Anna Danılınanyń Varshava týrnıriniń shırek fınalyna shyqqanyn , Qazaqstanda qyrkúıekte birneshe halyqaralyq týrnır ótetinin jazǵan edik.
