Anna Danılına Ulybrıtanııadaǵy týrnırdiń shırek fınalyna shyqty

ASTANA. KAZINFORM – Qazaqstannyń juptyq syndaǵy birinshi, álemniń 9-raketkasy Anna Danılına Istbýrn (Ulybrıtanııa) WTA 250 týrnıriniń shırek fınalyna joldama aldy.

Bul joly Anna Danılına chehııalyq Marı Boýzkovamen birge alǵashqy aınalymda jarystyń 3-raketkalary, ıspanııalyq Krıstına Býksha – japonııalyq Mııý Katomen sheberlik baıqasty.

Birinshi partııada qazaqstandyq-chehııalyq dýet 7:5 esebimen basym tústi. Ekinshi sette Danılına - Boýzkova 3:1 esebimen alǵa ketti. Biraq matchqa dop bergende, múmkindigin paıdalana almady. Degenmen taı-breıkte esesin jibermedi - 7:6 (7:4).

Bir saǵat 42 mınýtqa sozylǵan básekede Danılına - Boýzkova 8 breık-poınttyń úsheýin paıdalandy. Býksha - Kato 1 eıs, 2 breıkpen (11 breık-poınt) shekteldi.

Qazaqstandyq-chehııalyq jup jartylaı fınalǵa shyǵý úshin ulybrıtanııalyqtar Djodı Berredj – Sonaı Kartalmen talasady.

Eske sala keteıik, budan buryn Ýımbldonnyń irikteý týrnırinde Beıbit Juqaevtyń alǵashqy jeńisine qol jetkizgenin jazǵan edik.