Anna Danılına: Ýımbldonda matchtar ońaı emes
ASTANA. KAZINFORM — Qazaqstandyq tennısshi Anna Danılına Ýımbldon týrnırine daıyndyǵy, juptyq seriktesi Aleksandra Krýnıchpen ózara úılesimi jáne alǵashqy aınalymda Leıla Fernandes pen ıÝlııa Pýtıntsevaǵa qarsy ótetin match týraly aıtty. Bul týraly Kazinform agenttiginiń Londondaǵy menshikti tilshisi habarlady.
Ýımbldon qarsańynda WTA reıtınginiń juptyq syndaǵy altynshy raketkasy Anna Danılına týrnırge kóterińki kóńil kúımen kelgenin aıtty.
— Maǵan osynda bolǵan árdaıym unaıdy. Ár kelgen saıyn jaqsy ásermen, kóterińki kóńil kúımen kelemin. Sondyqtan tek alǵa umtylamyn, — dedi ol Kazinform agenttigine bergen eksklıýzıvti suhbatynda.
Maýsymnyń eń myqty juptarynyń biri sanalatyny týraly pikirge qatysty tennısshi buǵan asa mán bermeıtinin jetkizdi. Bıyl ol serbııalyq Aleksandra Krýnıchpen birge Dohada ótken WTA 1000 týrnırinde chempıon atanyp, sondaı-aq Aýstralııanyń ashyq chempıonatynyń, Indıan-Ýells týrnıriniń jáne «Rolan Garros» dodasynyń fınalyna deıin jetti.
— «Úlken dýlyǵa» týrnıriniń deńgeıi ózgeshe, munda árbir tennısshiniń jeńiske múmkindigi bar. Sondyqtan ár týrnırdi jańa bastama retinde qabyldaımyn. Maqsatym — jeńiske jetý. Ár matchqa jeke kóńil bólip, kezeń-kezeńimen alǵa jyljýǵa tyrysamyn. «Úlken dýlyǵa» týrnırine álemniń eń úzdik oıynshylary jınalady, sondyqtan munda ońaı match bolmaıdy, — dedi Danılına.
Onyń aıtýynsha, jubynyń turaqty nátıje kórsetýine ózara túsinistik yqpal etken.
— Biz Aleksandra Krýnıchpen birge bir jyldan astam ýaqyt oınap kelemiz. Byltyr «Rolan Garrosta» jup qurdyq. Osy ýaqyt ishinde bir-birimizge ábden úırendik, árqaısymyzdyń myqty jáne álsiz tusymyzdy jaqsy bilemiz. Árkimniń óz oıyn máneri bar, al korttaǵy ózara túsinistik jaqsy nátıjege jetýge kómektesedi, — dedi qazaqstandyq sportshy.
Danılına Ýımbldonnyń shóp tósenishindegi korttary týraly da pikir bildirdi.
— Aldyńǵy jyldary mundaǵy nátıjelerim asa sátti bolǵan joq. Biraq shóptiń ústinde oınaǵan unaıdy. Áli de osy jabynǵa beıimdelip, oıynymdy jetildirip júrmin. Biraz ózgeris engizýge týra keledi, endi agressıvti oınaýǵa tyrysamyn. Jalpy maǵan unaıdy, jumysymdy jalǵastyryp jatyrmyn, — dedi ol.
Sondaı-aq tennısshi alǵashqy aınalymda qazaqstandyq ıÝlııa Pýtıntseva men kanadalyq Leıla Fernandeske qarsy ótetin match týraly aıtty.
— Eshqandaı erekshe daıyndyq bolmaıdy. Árıne, ıÝlııany óte jaqsy bilemin, ol da meni jaqsy tanıdy. Biraq bul jekeleı emes, juptyq match. Onyń da, meniń de seriktesim bar. Sondyqtan bul — múlde basqa oıyn. Basqa kezdesýlerge qalaı daıyndalsam, bul matchqa da solaı ázirlenemin. Jaqsy oıyn bolady dep oılaımyn jáne ózimniń eń úzdik oıynymdy kórsetýge tyrysamyn, — dep túıindedi Anna Danılına.
Ýımbldonnyń juptyq syndaǵy matchtary 2 shildede bastalady. Kezdesýlerdiń naqty kestesin uıymdastyrýshylar keıinirek jarııalaıdy.
Aıta keteıik, 29 maýsym — 12 shilde aralyǵynda Londonda ótetin Ýımbldon týrnırinde qazaqstandyq tennısshilerdiń qarsylastary anyqtaldy.
