Anna Danılına Tsıntsınnatı jarysyn jeńispen bastady
ASTANA. KAZINFORM — Qazaqstannyń juptyq syndaǵy birinshi, álemniń 6-raketkasy Anna Danılına Tsıntsınnatı (AQSh) WTA 1000 týrnıriniń ekinshi aınalymyna shyqty.
Serbııalyq Aleksandra Krýnıchpen birge jarystyń 2-raketkasy bolyp tirkelgen qazaqstandyq tennısshi bastapqy kezdesýin amerıkalyq Enn Lı — danııalyq Klara Taýsonmen ótkizdi.
Qazaqstandyq-serbııalyq jup asa qınalmaı, 6:4, 6:2 esebimen jeńiske jetti.
Bir saǵat 6 mınýtqa sozylǵan básekede A.Danılına — A.Krýnıch 1 eıspen birge 8 breık-poınttyń úsheýin qur jibergen joq. Amerıkalyq-danııalyq dýet 3 eıspen shekteldi.
Anna Danılına — Aleksandra Krýnıchtiń 1/8 fınaldaǵy qarsylastary keıin anyqtalady.
Qazaqstandyq-serbııalyq jup osynyń aldynda Toronto (Kanada) WTA 1000 dodasynyń alǵashqy aınalymynda-aq jeńilip qalǵan bolatyn.
Eske sala keteıik, budan buryn Sonıa Jıenbaevanyń Ispanııadaǵy týrnırde taǵy da chempıon atanǵanyn jazǵan edik.
Sondaı-aq Asyljan Arystanbekova ekinshi ret qatarynan Astana týrnırinde top jardy.
Elena Rybakına Tsıntsınnatı týrnıriniń úshinshi aınalymyna shyqty.
