Anna Danılına Tokıo týrnıriniń jartylaı fınalyna shyqty

ASTANA. KAZINFORM — Qazaqstannyń juptyq syndaǵy birinshi, álemniń 13-raketkasy Anna Danılına Tokıo (Japonııa) WTA 500 týrnıriniń jartylaı fınalyna joldama aldy.

Jarystyń 3-raketkalary bolyp tirkelgen A.Danılına men serbııalyq Aleksandra Krýnıch shırek fınalda amerıkalyq Nıkol Melıchar – qytaılyq Sıýı Ifannyń mysyn basty.
Eki sette de 6:4 esebi tirkeldi.

Bir saǵat 16 mınýtqa sozylǵan báseke barysynda qazaqstandyq-serbııalyq jup 1 eıspen birge 7 breık-poınttyń beseýin múlt jibermedi. Amerıkalyq-qytaılyq dýet 1 eıs, 3 breıkpen (5 breık-poınt) kózge tústi.

Anna Danılına – Aleksandra Krýnıch fınalǵa shyǵý úshin japonııalyq Sıýko Aoıama – ıspanııalyq Krıstına Býkshamen sheberlik talastyrady. 

Osylaısha, Tokıo dodasynyń jartylaı fınalynda qos birdeı qazaqstandyq tennısshi oınaıdy. 

Elena Rybakına jekeleı, Anna Danılına juptyq synda óner kórsetedi.

Qazaqstannyń erler arasyndaǵy birinshi, álemniń 16-raketkasy Aleksandr Býblık búgin Vena (Aýstrııa) ATP 500 týrnırinde dúnıejúzilik reıtıngide kósh bastap kele jatqan ıtalııalyq ıAnnık Sınnermen jartylaı fınal joldamasyn sarapqa salady.

Eske sala keteıik, budan buryn Býblıktiń Vena týrnıriniń shırek fınalynda álemniń 1-raketkasymen kezdesýi múmkin ekendigin jazǵan edik. 

Sondaı-aq Elena Rybakına jyldyń qorytyndy týrnırine joldama aldy.