Anna Danılına tennısten Charlston týrnırinde jartylaı fınalǵa shyǵa almady
NUR-SULTAN. QazAqparat – Qazaqstannyń juptyq syndaǵy birinshi raketkasy Anna Danılına AQSh-taǵy Charlston WTA 500 týrnıriniń jartylaı fınalyna shyǵa almady, dep habarlaıdy QazAqparat tilshisi.
A.Danılına Belarýs ókili Aleksandra Sasnovıchpen birge shırek fınalda osy jarystyń birinshi raketkalary, amerıkalyq Karolın Dolhaıd – qytaılyq Chjan Shýaımen sheberlik baıqasty.
Bir saǵattan astam ýaqytqa sozylǵan matchta amerıkalyq-qytaılyq jup 6:3, 6:2 esebimen jeńiske jetti. Olar 10 breık-poınttyń teń jartysyn paıdalansa, A.Danılına men A.Sasnovıch 2 breıkpen (11 breık-poınt) shekteldi.
Taǵy bir qazaqstandyq Grıgorıı Lomakın reseılik Evgenıı Donskoımen birge Mehıko (Meksıka) chellendjer týrnıriniń fınalyna óte almady. Olar jartylaı fınalda chılılik Nıkolas Harrı – brazılııalyq Mateýs Pýchınellı de Almeıdadan utyldy – 3:6, 4:6.
Eske sala keteıik, budan buryn Anna Danılınanyń Charlston týrnırin jeńispen bastaǵanyn, qazaqstandyq tennısshilerdiń Marokkodaǵy jarystyń fınalyna shyǵa almaǵanyn jazǵan bolatynbyz.
Sondaı-aq Aleksandr Býblıktiń Monte-Karlo masters týrnırindegi qarsylasy anyqtaldy.
Zańǵar Nurlanuly Portýgalııadaǵy jarystyń fınalyna shyqty.
