Anna Danılına Strasbýrg týrnıriniń shırek fınalyna joldama aldy
ASTANA. KAZINFORM — Qazaqstannyń juptyq syndaǵy birinshi, álemniń 5-raketkasy Anna Danılına Strasbýrg (Frantsııa) WTA 500 týrnırin sátti bastady.
Bul joly reseılik Ekaterına Aleksandrovamen jup qurǵan qazaqstandyq tennısshi alǵashqy aınalymda qytaılyqtar Sınıý ıAn — Sıýı Ifannyń mysyn basty.
Birinshi partııada qazaqstandyq-reseılik jup taı-breıkte tabandylyq tanytty — 7:6 (7:5).
Ekinshi sette qytaılyq dýet ese qaıyrdy — 7:5.
Sýper taı-breıkte Anna men Ekaterına aıqyn basymdylyq kórsetti — 10:4.
Eki saǵatta aıaqtalǵan tartysty kezdesýde Danılına — Aleksandrova 2 eıspen birge 12 breık-poınttyń tek úsheýin paıdalandy.
Qytaılyqtar 4 breıkpen (12 breık-poınt) kózge tústi.
Anna Danılına — Ekaterına Aleksandrova jartylaı fınalǵa shyǵý úshin amerıkalyq Eıja Mýhammad — majarstandyq Fannı Stollar nemese Erı Hodzýmı — taıbeılik Fan-sıan Ý juptarynyń qaı jeńgenimen talasady.
A.Danılına budan buryn E.Mýhammadpen birge Rım WTA 1000 týrnıriniń shırek fınalyna deıin jetken edi.
Eske sala keteıik, budan buryn Anna Danılınanyń álemdik reıtıngide TOP-ke qaıta kirgenin jazǵan edik.
Sondaı-aq Aleksandr Býblık álemdik reıtıngide úzdik kórsetkishin qaıtalady.
Grıgorıı Lomakın Úndistandaǵy týrnırde ekinshi kezdesýin jeńispen túıindedi.
