Anna Danılına «Rolan Garros» týrnıriniń qos birdeı shırek fınalyna shyqty
ASTANA. KAZINFORM — Juptyq synda Qazaqstannyń birinshi raketkasy Anna Danılına Frantsııa ashyq chempıonatynyń áıelder arasyndaǵy juptyq jáne aralas (mıkst) syndarynda 1/4 fınalǵa joldama aldy, dep habarlaıdy QTF baspasóz qyzmeti.
Áıelder básekesiniń úshinshi aınalymynda otandasymyz (WTA juptyq reıtınginde 6-oryn) serbııalyq Aleksandra Krýnıchpen birge ýkraınalyq Daıana ıAstremskaıa / Angelına Kalınına tandemin qapy qaldyrdy. Tartysty ótken kezdesý 6:4, 6:4 esebimen bizdiń juptyń paıdasyna aıaqtaldy.
Jarystyń 2-shi nómirli juby sanalǵan Danılına men Krýnıch Úlken dýlyǵa týrnıriniń jartylaı fınalyna ótý úshin Demı Shıýrs (Nıderlandy) / Ellen Peres (Avstralııa) – Lıýdmıla Samsonova (Reseı) / Beatrıs Haddad Maııa (Brazılııa) matchynyń jeńimpazdarymen sheberlik baıqasady.
Sonymen qatar Anna Danılına aralas synda da sátti óner kórsetip jatyr. Mıkst baǵdarlamasynyń shırek fınalyna shyǵý úshin ótken matchta qazaqstandyq-amerıkalyq Anna Danılına men Djeıms Treısı dýeti Ýlrıkke Eıkerı (Norvegııa) / Lýkas Mıdler (Avstrııa) jubynan basym tústi. Sheshýshi sýper-taı-breıkke ulasqan báseke 6:1, 4:6, 10:8 esebimen aıaqtaldy.
1/4 fınalda Danılına men Treısı Sara Erranı / Andrea Vavassorı (ekeýi de – Italııa) – Fannı Stollar (Vengrııa) / Krıstıan Harrıson (AQSh) teketiresiniń úzdigimen kezdesedi.
Osydan buryn Zańǵar Nurlanuly «Rolan Garros» týrnırin jeńispen bastaǵanyn habarladyq.
