Anna Danılına Rolan Garros týrnıriniń fınalynda jeńilis tapty
ASTANA. KAZINFORM — Qazaqstannyń juptyq syndaǵy birinshi, álemniń 6-raketkasy Anna Danılına Frantsııa ashyq chempıonatynyń fınalynda oınady.
Qazaqstandyq tennısshi serbııalyq Aleksandra Krýnıchpen birge «Úlken dýlyǵa» týrnıriniń 2-raketkasy bolyp tirkelgen edi.
Fınalda qazaqstandyq-serbııalyq jup Rolan Garros jarysynyń 1-raketkalary, chehııalyq Katerına Sınıakova – amerıkalyq Teılor Taýnsendpen chempıondyq ataqty sarapqa saldy.
Qarsylastar osyǵan deıin ózara úsh ret kezdesip, sonyń ekeýinde A.Danılına – A.Krýnıch jeńiske jetken edi.
A.Danılına sporttyq jolynda 2023 jyly mıkste AQSh ashyq chempıonatynyń jeńimpazy atanǵan edi. Alaıda «Úlken dýlyǵa» týrnırlerinde juptyq synda úsh ret fınalǵa shyqqanymen, sońǵy básekede jeńilip qalǵan bolatyn.
Bul joly birinshi partııada esep 2:2 bolǵan mezette Sınıakova – Taýnsend breık jasaı bildi – 4:2. Sodan keıin taǵy bir breıkke qol jetkizdi – 6:2.
Ekinshi sette Danılına – Krýnıch 3:0, 4:1 esebimen alǵa ketkenimen, sol basymdylyqty saqtaı almady – 5:7.
Bir saǵat 32 mınýtqa sozylǵan básekede A.Danılına – A.Krýnıch 6 breık-poınttyń bireýin ǵana paıdalandy. Sınıakova – Taýnsend 1 eıs, 4 breıkpen (9 breık-poınt) kózge tústi.
Osylaısha, A.Danılına «Úlken dýlyǵa» týrnırinde tórtinshi fınalda jeńilip qaldy. Bıyldyń ózinde ol Aýstralııa ashyq chempıonatynyń fınalyna deıin jetken edi.
Eske sala keteıik, budan buryn Rolan Garros týrnırinde Anna Danılınanyń ekinshi jyl qatarynan fınalǵa shyqqanyn jazǵan edik.
Sondaı-aq Elena Rybakına London jarysynda óner kórsetedi.
