Anna Danılına Rım týrnıriniń 1/8 fınalyna shyqty
ASTANA. KAZINFORM — Qazaqstannyń juptyq syndaǵy birinshi, álemniń 8-raketkasy Anna Danılına Rım (Italııa) WTA 1000 týrnırin jeńispen bastady.
Jarystyń 6-raketkasy bolyp tirkelgen qazaqstandyq tennısshi amerıkalyq Eıja Mýhammadpen birge alǵashqy aınalymda qytaılyqtar Sınıý ıAn – Sıýı Ifanmen tartysty match ótkizdi.
Birinshi partııada Danılına – Mýhammad 6:4 esebimen basym tústi. Alaıda ekinshi sette qytaılyq dýet ese qaıyrdy – 6:1.
Sýper taı-breıkte qytaılyqtar 9:6 esebimen alǵa shyqqanymen, tórt matchboldy paıdalana almady. Anna men Eıja aqyry jeńisti julyp aldy – 13:11.
Saǵat jarymǵa sozylǵan básekede Danılına – Mýhammad 1 eıspen birge 12 breık-poınttyń ekeýin paıdalandy. Qytaılyq jup 3 breıkpen (6 breık-poınt) kózge tústi.
Anna Danılına – Eıja Mýhammad shırek fınalǵa shyǵý úshin reseılik Irına Hromacheva – meksıkalyq Djýlıana Olmospen talasady.
Eske sala keteıik, budan buryn Elena Rybakınanyń Rım týrnıriniń tórtinshi aınalymyna joldama alǵanyn jazǵan edik.
Rım masters týrnırinde Aleksandr Býblık tórtinshi aınalymnan tys qaldy.
Elena Rybakına bıylǵy maýsymda biregeı kórsetkishke qol jetkizdi.
