Anna Danılına Parıjdegi jarystyń chempıony atandy

ASTANA. QazAqparat - Qazaqstannyń juptyq syndaǵy birinshi, álemniń 26-raketkasy Anna Danılına Parıjdegi WTA 125 týrnıriniń jeńimpazy atandy, dep habarlaıdy QazAqparat tilshisi.

Qazaqstandyq tennısshi reseılik Vera Zvonarevamen birge fınalda jarystyń 1-raketkalary, ýkraınalyq Nadejda Kıchenok - amerıkalyq Alısııa Parkspen bas júldeni sarapqa saldy.

Qazaqstandyq-reseılik jup 5:7, 7:6 (7:2), 14:12 esebimen jeńiske jetti.

Tartysty ótken báseke 2 saǵattan astam ýaqytqa sozyldy.

Osylaısha, Anna Danılına juptyq synda WTA dodalarynda tórtinshi trofeıine qol jetkizdi. Buǵan deıin ol Sıdneı (WTA 500), Varshava (WTA 250), Gdan (WTA 250) týrnırlerinde jeńimpaz atanǵan edi.

Eske sala keteıik, budan buryn Elena Rybakınanyń Rım masters týrnıriniń fınalyna shyqqanyn jazǵan bolatynbyz.

Sondaı-aq Elena Rybakına Monıka Selesh pen Marııa Sharapovanyń jetistigin qaıtalady.