Anna Danılına Nottıngem týrnıriniń jartylaı fınalyna ótti

ASTANA. KAZINFORM – Qazaqstannyń juptyq syndaǵy birinshi, álemniń 9-raketkasy Anna Danılına Nottıngem (Ulybrıtanııa) WTA 250 týrnıriniń jartylaı fınalyna shyqty.

Jarystyń 4-raketkalary bolyp tirkelgen A.Danılına – japonııalyq Ena Sıbahara shırek fınalda chehııalyq Anastasııa Detsıýk – nıderlandylyq Bıbıana Shofspen betpe-bet keldi.

Matchty chehııalyq-nıderlandylyq jup sátti bastady – 3:0. Soǵan qaramastan, Danılına – Sıbahara tarazy basyn teńestirip, taı-breıkte tabandylyq kórsetti – 7:6 (7:5).

Ekinshi sette qazaqstandyq-japonııalyq dýet birden 2:0 esebimen alǵa shyqty. Aqyry matchty taǵy bir breıkpen támamdady – 6:3.

Bir saǵat 26 mınýtqa sozylǵan básekede Danılına – Sıbahara 2 eıspen birge 7 breık-poınttyń tórteýin paıdalandy. Qarsylas jup 2 breıkpen (4 breık-poınt) shekteldi.

Anna Danılına – Ena Sıbahara fınalǵa shyǵý úshin dodanyń 1-raketkalary, Qytaı Taıbeıiniń ókili Se Shýveı – qytaılyq Chjan Shýaı nemese japonııalyq Erı Hodzýmı – ındonezııalyq Aldıla Sýtdjıadı juptarynyń qaı jeńgenimen talasady.

Eske sala keteıik, budan buryn Galle jarysynda Aleksandr Býblıktiń álemniń 1-raketkasyn jeńip ketkenin jazǵan bolatynbyz.

Sondaı-aq Zarına Dııas Ispanııadaǵy jarystyń jartylaı fınalyna shyqty.