Anna Danılına Nottıngem týrnıriniń shırek fınalyna joldama aldy

ASTANA. KAZINFORM – Qazaqstannyń juptyq syndaǵy birinshi, álemniń 9-raketkasy Anna Danılına Nottıngem (Ulybrıtanııa) WTA 250 týrnıriniń shırek fınalyna shyqty.

Japonııalyq Ena Sıbaharamen jarystyń 4-raketkasy bolyp tirkelgen qazaqstandyq tennısshi bastapqy kezdesýin nıderlandylyq Izabel Haverlag – ulybrıtanııalyq Maııa Lamsdenmen ótkizdi.

Birinshi partııada taı-breıkte nıderlandylyq-ulybrıtanııalyq juptyń baǵy jandy – 7:6 (7:3). Degenmen budan keıin Danılına – Sıbahara kambek jasaı bildi – 7:5, 10:8.

Bir saǵat 50 mınýtqa sozylǵan tartysty básekede qazaqstandyq-japonııalyq dýet 3 eıspen birge 6 breık-poınttyń ekeýin paıdaǵa asyrdy. Haverlag – Lamsden 5 eıs, 1 breıkpen (3 breık-poınt) erekshelendi.

Anna Danılına – Ena Sıbahara jartylaı fınalǵa shyǵý úshin chehııalyq Anastasııa Detsıýk – nıderlandylyq Bıbıana Shofspen talasady.

Taǵy bir qazaqstandyq, álemniń 27-raketkasy ıÝlııa Pýtıntseva osy dodada jekeleı synda ekinshi aınalymda reıtıngide 38-oryndaǵy slovakııalyq Rebekka Shramkovaǵa jol berip, shırek fınaldan shet qaldy – 1:6, 6:4, 4:6. Bul match ta tartysty ótip, 2 saǵat 8 mınýtta bitti.

A.Danılına juptyq synda osynyń aldynda Rolan Garros pen London týrnırleriniń fınalyna deıin jetken edi.

Eske sala keteıik, budan buryn Berlın týrnırinde Rybakınanyń týǵan kúninde amerıkalyq tennısshiden ese qaıyrǵanyn jazǵan bolatynbyz.

Sondaı-aq Zarına Dııas Ispanııadaǵy týrnırdiń shırek fınalyna shyqty.