Anna Danılına Nottıngem týrnıriniń jartylaı fınalyna joldama aldy
ASTANA. QazAqparat – Qazaqstannyń juptyq syndaǵy birinshi, álemniń 24-raketkasy Anna Danılına Nottıngem (Ulybrıtanııa) WTA 250 týrnıriniń jartylaı fınalyna joldama aldy, dep habarlaıdy QazAqparat tilshisi.
Jarystyń birinshi raketkalary bolyp tirkelgen A.Danılına men qytaılyq Sıýı Ifan shırek fınalda grýzııalyq Natela Dzalamıdze - amerıkalyq Sabrına Santamarııamen sheberlik baıqasty.
Qazaqstandyq-qytaılyq jup 5:7, 7:6 (12:10), 10:7 esebimen jeńiske jetti.
Eki saǵatqa sozylǵan tartysty matchta olar 2 eıs jasap, 3 breık-poıntty túgel paıdalandy.
Anna Danılına men Sıýı Ifan fınalǵa shyǵý úshin norvegııalyq Ýlrıkke Eıkerı – estonııalyq Ingrıd Nılmen talasady.
Eske sala keteıik, budan buryn Beıbit Juqaevtyń Pýerto-Rıkodaǵy týrnırdiń shırek fınalyna shyqqanyn jazǵan bolatynbyz.
Sondaı-aq Aleksandr Nedovesov Nıderlandtaǵy jarystyń jartylaı fınalyna shyqty.
Andreı Golýbev Italııadaǵy jarystyń jartylaı fınalyna ótti.
