Anna Danılına Nottıngem týrnıriniń shırek fınalyna shyqty

ASTANA. QazAqparat - Qazaqstannyń birinshi, álemniń 24-raketkasy Anna Danılına Nottıngem (Ulybrıtanııa) WTA 250 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi qytaılyq Sıýı Ifanmen birge atalmysh jarystyń birinshi raketkasy bolyp tirkelgen.

Danılına men Ifan bastapqy kezdesýin amerıkalyq Dezıre Kravchık - shveıtsarııalyq Jıl Taıhmanmen ótkizdi.

Qazaqstandyq-qytaılyq jup tartysty matchta 5:7, 6:2, 10:8 esebimen jeńiske jetti.

Saǵat jarymnan astam ýaqytqa sozylǵan báseke barysynda Danılına men Ifan 1 eıspen bir 6 breık-poınttyń ekeýin paıdalana bildi.

Olar jartylaı fınalǵa shyǵý úshin grýzııalyq Natela Dzalamıdze - amerıkalyq Sabrına Santamarııamen talasady.

Qazaqstannyń erler arasyndaǵy birinshi raketkasy Aleksandr Býblık Hertogenbos (Nıderland) jarysynyń ekinshi aınalymynda reıtıngte 9-orynda turǵan ıtalııalyq ıAnnık Sınnerge ese jiberdi - 4:6, 2:6.

Eske sala keteıik, budan buryn tennısten Ýımbldon týrnıriniń júlde qory rekordtyq kólemge jetkenin jazǵan bolatynbyz.

Sondaı-aq Aleksandr Nedovesov Nıderlandtaǵy jarysta «Úlken dýlyǵa» chempıondaryn utty.