Anna Danılına Monreal jarysyn jeńispen bastady
ASTANA. KAZINFORM — Qazaqstannyń juptyq syndaǵy birinshi, álemniń 10-raketkasy Anna Danılına Monreal (Kanada) WTA 1000 týrnıriniń ekinshi aınalymyna ótti.
Qazaqstandyq tennısshi serbııalyq Aleksandra Krýnıchpen birge alǵashqy aınalymda chehııalyq Lında Noskova – aýstralııalyq Darıa Kasatkınamen sheberlik baıqasty.
Birinshi partııada qazaqstandyq-serbııalyq jup 6:4 esebimen basym tústi. Ekinshi sette tipti birde-bir geım bergen joq – 6:0.
Bir saǵattan sál astam ýaqytqa sozylǵan báseke barysynda Danılına – Krýnıch 3 eıspen birge 8 breık-poınttyń teń jartysyn múlt jibergen joq.
Anna Danılına – Aleksandra Krýnıchtiń kelesi qarsylastary keıin anyqtalady.
Eske sala keteıik, budan buryn Elena Rybakınanyń Monreal týrnıriniń úshinshi aınalymyna joldama alǵanyn jazǵan edik.
17 jastaǵy qazaqstandyq tennısshi alǵash ret chellendjer týrnıriniń shırek fınalyna shyqty.