Anna Danılına Monreal týrnıriniń shırek fınalynan tys qaldy

ASTANA. KAZINFORM — Qazaqstannyń juptyq syndaǵy birinshi, álemniń 10-raketkasy Anna Danılına Monreal (Kanada) WTA 1000 týrnıriniń shırek fınalyna shyǵa almady.

Qazaqstandyq tennısshi serbııalyq Aleksandra Krýnıchpen birge ekinshi aınalymda jarystyń 3-raketkalary, amerıkalyq Teılor Taýnsend – qytaılyq Chjan Shýaıǵa qarsy keldi. 

Birinshi partııada taı-breıkte qazaqstandyq-serbııalyq jup sátti oınady – 7:6 (7:5). 

Ekinshi set te tartysty ótip, bul joly dál sondaı eseppen Taýnsend – Shýaıdyń paıdasyna sheshildi – 7:6 (7:5). Aqyry olar sýper taı-breıkte jeńisti julyp aldy – 10:4. 

Eki saǵat 11 mınýtqa sozylǵan matchta Danılına – Krýnıch 1 eıspen birge 9 breık-poınttyń tórteýin paıdalandy. Taýnsend – Shýaı da 4 breıkpen (9 breık-poınt) kózge tústi.

Monrealda Qazaqstannyń jekeleı syndaǵy birinshi raketkasy Elena Rybakına jarysty jalǵastyrady. Sondaı-aq juptyq synda Galına Voskoboeva ekinshi aınalymda óner kórsetedi. 

Taǵy bir qazaqstandyq tennısshi Jibek Qulambaeva juptyq synda Hehıngen (Germanııa) ITF W75 jarysynyń jartylaı fınalyna shyǵa almady.

Dodanyń 1-raketkasy bolyp tirkelgen J.Qulambaeva slovenııalyq Dalıla ıAkýpovıchpen birge aldymen germanııalyq Alena Fomına-Klots – estonııalyq Elena Malygınany 6:2, 6:3 esebimen utty. Alaıda shırek fınalda slovakııalyq Renata ıAmrıhova – reseılik Elena Prıdankınaǵa jol berdi – 6:4, 4:6, 3:10.

Eske sala keteıik, budan buryn kortqa qaıta oralǵan 40 jastaǵy Galına Voskoboevanyń bastapqy jeńisine qol jetkizgenin jazǵan bolatynbyz.