Anna Danılına Meksıkadaǵy WTA 500 týrnırin jeńispen bastady
ASTANA. KAZINFORM – Meksıkanyń Gvadalahara qalasynda ótip jatqan WTA 500 týrnırinde qazaqstandyq Anna Danılına reseılik Irına Hromachevamen juptacyp óner kórsetti, dep habarlaıdy Sports.kz.
Qazaqstan-Reseı dýeti Kaıla Deı (AQSh)/ Rebekka Marıno (Kanada) jubyn eki set qorytyndysy boıynsha 6:0, 6:2 esebimen jeńdi.
Danılına men Hromacheva atalǵan týrnırdiń juptyq syndaǵy úshinshi nómirli oıynshylary bolyp tirkeldi. Sondaı-aq bul jarys Anna men Irına úshin AQSh ashyq birinshiliginen keıingi birinshi týrnır boldy.
Eske sala ketsek, Danılına – juptyq razrıadta Qazaqstannyń birinshi raketkasy. Ol WTA reıtınginde 40-orynda tur.
Buǵan deıin Qazaqstan fýtzal quramasynyń Eýro-2026 týrnıriniń irikteý satysyndaǵy oıyn kestesi anyqtalǵanyn jazǵan edik.
