Anna Danılına Meksıkadaǵy týrnırdiń fınalyna shyǵý úshin talasady

ASTANA. KAZINFORM – Qazaqstannyń juptyq syndaǵy birinshi, álemniń 18-raketkasy Anna Danılına Merıda (Meksıka) WTA 500 týrnırin sátti ótkizýde.

Reseılik Irına Hromachevamen birge jarystyń 1-raketkasy bolyp tirkelgen qazaqstandyq tennısshi bastapqy kezdesýinde ulybrıtanııalyq Emılı Epplton – amerıkalyq Kýınn Glısonnyń mysyn basty – 6:3, 6:4.

Qazaqstandyq-reseılik jup shırek fınalda ýkraınalyqtar, apaly-sińlili Marına jáne Nadejda Kolbtarmen sheberlik baıqasty. Birinshi partııada Danılına – Hromacheva 6:2 esebimen basym tústi. Ekinshi sette esep 3:2 bolǵan mezette ýkraınalyq dýet medıtsınalyq kómekke júginip, matchty jalǵastyrýdan bas tartty.

Anna Danılına – Irına Hromacheva júlde qory 1 mln AQSh dollarynan asatyn dodanyń fınalyna shyǵý úshin týrnırdiń 3-raketkalary, majarstandyq Tımeıa Babosh – amerıkalyq Nıkol Melıcharmen talasady.

Eske sala keteıik, budan buryn Dýbaı týrnırinde ıÝlııa Pýtıntsevanyń jarys jolynan shyǵyp qalǵanyn jazǵan bolatynbyz.