Anna Danılına Meksıkada irikteý týrnırin sátti bastady

ASTANA. KAZINFORM — Qazaqstandyq tennısshi Anna Danılına jekeleı synda Monterreı (Meksıka) WTA 500 týrnıriniń irikteý saıysyn jeńispen bastady. 

Dúnıejúzilik reıtıngide 951-orynda turǵan A.Danılına alǵashqy kezdesýin álemniń 634-raketkasy, norvegııalyq Ýlrıkke Eıkerımen ótkizdi.

Qazaqstandyq tennısshi 6:3, 7:6 (7:3) esebimen jeńiske jetti.

Saǵat jarymnan astam ýaqytqa sozylǵan kezdesýde Anna 13 eıs jasap, 5 breık-poınttyń ekeýin paıdalandy. Eıkerı 1 eıs, 1 breıkten (5 breık-poınt) asa almady.

Anna Danılına irikteý saıystarynyń fınalynda álemniń 278-raketkasy, Izraıl ókili Lına Glýshkomen sheberlik talastyrady. Ony utqan jaǵdaıda negizgi jarysqa joldama alady. 
Monterreı dodasy 19-24 tamyz aralyǵynda ótedi dep josparlanǵan.

A.Danılınanyń negizinen juptyq synǵa mamandanǵan tennısshi ekendigi málim.

Eske sala keteıik, budan buryn ıÝlııa Pýtıntsevanyń Tsıntsınnatıda juptyq synda alǵash ret WTA 1000 jarysynyń fınalyna shyqqanyn jazǵan bolatynbyz.