Anna Danılına Marokkodaǵy jarystyń shırek fınalyna joldama aldy
RABAT. KAZINFORM – Qazaqstannyń juptyq syndaǵy birinshi, álemniń 51-raketkasy Anna Danılına Rabat (Marokko) WTA 250 týrnıriniń shırek fınalyna ótti.
Jarystyń 2-raketkalary A.Danılına – qytaılyq Sıýı Ifan bastapqy kezdesýde Belarýs ókili Lıdııa Morozova – nıderlandtyq Arancha Rýsty joldan taıdyrdy.
Bir saǵat 5 mınýtqa sozylǵan básekede qazaqstandyq-qytaılyq jup 6:3, 6:2 esebimen jeńiske jetti. Olar 1 eıspen birge 9 breık-poınttyń jeteýin múlt jibergen joq.
Belorýssııalyq-nıderlandtyq dýet 1 eıs, 3 breıkten (4 breık-poınt) asa almady.
Anna Danılına – Sıýı Ifan endi ulybrıtanııalyq Herrıet Dart – taǵy bir qytaılyq Sıý Vanmen jartylaı fınal joldamasyn sarapqa salady.
Eske sala keteıik, budan buryn tennısten álem chempıonatynda Qazaqstan jasóspirimderiniń irikteý jarysynyń shırek fınalynda oınaıtynyn jazǵan bolatynbyz.
Sondaı-aq Aleksandr Shevchenko Jeneva týrnıriniń shırek fınalyna shyqty.
