Anna Danılına Madrıd týrnıriniń shırek fınalyna shyqty
NUR-SULTAN. QazAqparat – Qazaqstannyń juptyq syndaǵy birinshi raketkasy Anna Danılına Ispanııa astanasy Madrıd qalasynda ótip jatqan ITF W60 týrnıriniń shırek fınalyna shyqty, dep habarlaıdy QazAqparat tilshisi.
Birinshi raketka bolyp tirkelgen qazaqstandyq tennısshi reseılik Anastasııa Tıhonovamen birge bastapqy kezdesýin ıspanııalyqtar Aınoa Atýcha-Gomes – Karmen Gallardo Gevaramen ótkizdi.
Qazaqstandyq-reseılik jup 57 mınýtqa sozylǵan matchta 6:2, 6:3 esebimen jeńiske jetti.
A.Danılına men A.Tıhonova júlde qory 60 myń AQSh dollaryna baǵalanǵan jarystyń jartylaı fınalyna shyǵý úshin bolgarııalyqtar Aleksa jáne Lııa Karatanchevalarmen talasady.
Qazaqstannyń erler arasyndaǵy birinshi, álemniń Aleksandr Býblık búgin London ATP 500 dodasynyń ekinshi aınalymynda reıtıngte 17-oryndaǵy horvatııalyq Marın Chılıchpen sheberlik baıqasady.
Taǵy bir qazaqstandyq Tımofeı Skatov Blýa (Frantsııa) chellendjer týrnıriniń ekinshi aınalymynda osy jarystyń jetinshi, álemniń 184-raketkasy, serbııalyq Nıkola Mıloevıchpen kezdesedi. Keshe T.Skatov argentınalyq Fakýndo Dıas Akostany 6:4, 7:6 (7:2) esebimen tize búktirdi.
Eske sala keteıik, budan buryn Aleksandr Býblıktiń London týrnıriniń ekinshi aınalymyna shyqqanyn, qazaqstandyq jas tennısshilerdiń álemdik reıtıngide joǵary kóterilgenin jazǵan bolatynbyz.
