Anna Danılına London týrnıriniń shırek fınalyna shyqty
ASTANA. KAZINFORM — Qazaqstannyń juptyq syndaǵy birinshi, álemniń 6-raketkasy Anna Danılına Londondaǵy WTA 500 The Queen’s Club Championships týrnırin jeńispen bastady.
Serbııalyq Aleksandra Krýnıchpen birge jarystyń 1-raketkasy bolyp tirkelgen A.Danılına alǵashqy kezdesýin amerıkalyq Kýınn Glıson – norvegııalyq Ýlrıkke Eıkerımen ótkizdi.
Qazaqstandyq-serbııalyq dýet 6:2, 6:4 esebimen jeńiske jetti.
Bir saǵat 27 mınýtqa sozylǵan báseke barysynda Danılına – Krýnıch 7 eıspen birge 7 breık-poınttyń úsheýin paıdalandy.
Anna Danılına – Aleksandra Krýnıch jartylaı fınalǵa shyǵý úshin ulybrıtanııalyq Olıvııa Nıkolls – slovakııalyq Tereza Mıhalıkovamen talasady.
Munyń aldynda A.Danılına – A.Krýnıch Rolan Garros týrnıriniń fınalyna deıin jetken bolatyn.
London dodasynda jekeleı synda Qazaqstannyń birinshi, álemniń 2-raketkasy Elena Rybakına óner kórsetedi. Ol ekinshi aınalymda ótken jylǵy chempıon, álemniń 52-raketkasy, germanııalyq Tatıana Marııamen kezdesedi. Bul oıyn 11 maýsymǵa belgilengen.
Eske sala keteıik, budan buryn Aleksandr Shevchenkonyń Slovakııadaǵy týrnırdi sátti bastaǵanyn jazǵan edik.
