Anna Danılına London týrnıriniń shırek fınalyna ótti
ASTANA. KAZINFORM — Qazaqstannyń juptyq syndaǵy birinshi, álemniń 9-raketkasy Anna Danılına London (Ulybrıtanııa) WTA 500 týrnırin jeńispen bastady.
Jarystyń 2-raketkalary bolyp tirkelgen Anna Danılına — reseılik Dıana Shnaıder alǵashqy aınalymda meksıkalyq Djýlıana Olmos — taǵy bir reseılik Aleksandra Panovanyń mysyn basty.
Qazaqstandyq-reseılik jup 6:4, 7:5 esebimen jeńiske jetti.
Olar 1 saǵat 22 mınýtqa sozylǵan básekede 3 eıspen birge 8 breık-poınttyń úsheýin paıdalandy. Olmos — Panova 2 eıs, 1 breıkpen (4.breık-poınt) shekteldi.
Anna Danılına — Dıana Shnaıder jartylaı fınalǵa shyǵý úshin aýstralııalyq Storm Hanter — amerıkalyq Dezıre Kravchıkpen talasady.
A.Danılına Rolan Garros jarysynda serbııalyq Aleksandra Krýnıchpen birge fınalǵa deıin jetken edi.
Eske sala keteıik, budan buryn Elena Rybakınanyń London týrnırindegi qarsylasy anyqtalǵanyn jazǵan bolatynbyz.
