Anna Danılına Qytaıdaǵy jarystyń shırek fınalyna joldama aldy
ASTANA. KAZINFORM — Qazaqstannyń juptyq syndaǵy birinshi, álemniń 7-raketkasy Anna Danılına Ýhan (Qytaı) WTA 1000 týrnıriniń shırek fınalyna shyqty.
Qazaqstandyq tennısshi qytaılyq Chjan Shýaımen birge jarystyń 2-raketkasy bolyp tirkelgen edi.
Reıtıngige baılanysty dodany ekinshi aınalymnan bastaǵan qazaqstandyq-qytaılyq jup ýkraınalyqtar Angelına Kalınına — Daıana ıAstremskaıamen shırek fınal joldamasyn sarapqa salýy kerek edi. Alaıda ýkraınalyq dýet matchqa kelmeı qaldy da, A.Danılına — Ch.Shýaı oınamastan shırek fınalǵa ótti.
Anna Danılına — Chjan Shýaı 16 qazanda jartylaı fınalǵa shyǵý úshin Parıj Olımpıadasynyń juptyq syndaǵy chempıondary, osy týrnırdiń 8-raketkalary, ıtalııalyqtar Sara Erranı — Jasmın Paolınımen talasady.
Taǵy bir qazaqstandyq, reıtıngide 79-oryndaǵy ıÝlııa Pýtıntseva jekeleı synda ekinshi aınalymda álemniń 13-raketkasy, reseılik Dıana Shnaıderge jol berdi — 2:6, 2:6.
Bir saǵat 21 mınýtqa sozylǵan bul básekede Pýtıntseva 7 breık-poınttyń úsheýin óz esebine jazdy. Shnaıder 12 breık-poınttyń jeteýin paıdalandy.
D.Shnaıder úshinshi aınalymda álemniń 7-raketkasy, chehııalyq Karolına Mýhovamen kezdesedi.
Ýhanda irikteý saıysyn sátti aıaqtap, negizgi jarysta ekinshi aınalymǵa deıin jetken ıÝ.Pýtıntseva qazirgi sátte WTA Live reıtıngisinde 64-orynǵa kóterilip tur.
Eske sala keteıik, budan buryn ıÝlııa Pýtıntsevanyń Qytaıdaǵy týrnırde úshinshi jeńisine qol jetkizgenin jazǵan edik.
Shanhaı masters týrnırinde Aleksandr Býblık álemniń 2-raketkasyna jol berdi.
Aleksandr Shevchenko Qytaıdaǵy týrnırde jarystyń favorıtin jeńdi.
