Anna Danılına Qytaıdaǵy WTA 1000 týrnıriniń fınalyna ótti

ASTANA. KAZINFORM – Qazaqstannyń juptyq syndaǵy birinshi, álemniń 31-raketkasy Ýhan (Qytaı) WTA 1000 týrnıriniń fınalyna shyqty.

Qazaqstandyq tennısshi reseılik Irına Hromachevamen birge jartylaı fınalda reseılik Ekaterına Aleksandrova – chehııalyq Katerına Sınıakovamen baq synasty.

Birinshi partııada qazaqstandyq-reseılik jup aıqyn basymdylyq kórsetti – 6:1. Ekinshisin de sátti aıaqtaı bildi – 6:4.

Bir saǵattan astam ýaqytqa sozylǵan báseke barysynda Danılına – Hromacheva 3 eıspen birge 8 breık-poınttyń teń jartysyn paıdalandy. Aleksandrova – Sınıakova 3 breık-poınttyń bireýin ǵana óz esepterine jazdy.

Anna Danılına – Irına Hromacheva fınalda amerıkalyqtar Djessıka Pegýla – Aısha Mýhammadpen chempıondyq ataqty sarapqa salady. 

Eske sala keteıik, budan buryn Zańǵar Nurlanulynyń Shymkenttegi týrnırdiń chempıony atanǵanyn jazǵan bolatynbyz.

Sondaı-aq Almatyda tennısten ATP 250 jarysynyń jerebesi tartyldy.