Anna Danılına Qytaıdaǵy týrnırdiń shırek fınalyna shyqty

ASTANA. KAZINFORM — Qazaqstannyń juptyq syndaǵy birinshi, álemniń 13-raketkasy Anna Danılına Nınbo (Qytaı) WTA 500 týrnırin sátti bastady. 

Jarystyń 3-raketkasy bolyp tirkelgen Anna Danılına men serbııalyq Aleksandra Krýnıch alǵashqy aınalymda germanııalyq Laýra Zıgemýnd — amerıkalyq Sofııa Kenınniń mysyn basty.

Birinshi partııada Danılına — Krýnıch aıqyn basymdylyq tanytty — 6:2.

Tartysty órbigen ekinshi sette áýeli germanııalyq-amerıkalyq jup 3:1 esebimen alǵa shyqqanymen, Anna men Aleksandra matchty jeńispen túıindeı bildi — 7:5.

Bir saǵat 37 mınýtqa sozylǵan básekede qazaqstandyq-serbııalyq dýet 3 eıspen birge 12 breık-poınttyń teń jartysyn múlt jibergen joq. Zıgemýnd — Kenın 1 eıs, 3 breıkpen (5 breık-poınt) kózge tústi.

Anna Danılına — Aleksandra Krýnıch jartylaı fınalǵa shyǵý úshin amerıkalyq Nıkol Melıchar-Martınez — reseılik Lıýdmıla Samsonovamen talasady.

Anna Danılına — Aleksandra Krýnıch ótken aptada Ýhan (Qytaı) WTA 1000 dodasynda sátti óner kórsetip, fınalǵa deıin jetken edi.

Eske sala keteıik, budan buryn Aleksandr Shevchenkonyń Almaty týrnırin jeńispen bastaǵanyn jazǵan edik.