Anna Danılına qatarynan úsh jarystyń fınalynda utyldy

ASTANA. KAZINFORM – Qazaqstannyń juptyq syndaǵy birinshi, álemniń 9-raketkasy Anna Danılına Nottıngem (Ulybrıtanııa) WTA 250 týrnıriniń fınalynda oınady.

Japonııalyq Ena Sıbaharamen jarystyń 4-raketkasy bolyp tirkelgen qazaqstandyq tennısshi osyǵan deıin Rolan Garros pen London WTA 500 jarysynyń fınalyna deıin jetken edi.

Bul joly Anna Danılına – Ena Sıbahara sońǵy básekede dodanyń 3-raketkalary, brazılııalyq Beatrıs Haddad-Maııa – germanııalyq Laýra Zıgemýndpen chempıondyqqa talasty.

Birinshi partııada brazılııalyq-germanııalyq jup basymdylyq tanytty – 6:3. Ekinshi sette de olar 2:0 esebimen alǵa ketti. Aqyry jeńispen túıindedi – 6:2.

Bir saǵat 19 mınýtqa sozylǵan básekede Danılına – Sıbahara 8 breık-poınttyń tek ekeýin paıdalandy. Haddad-Maııa – Zıgemýnd 2 eıs, 5 breıkpen (10 breık-poınt) erekshelendi.

Osylaısha, Anna Danılına qatarynan úsh jarystyń fınalynda jeńilip qaldy.

Taǵy bir qazaqstandyq, álemniń jekeleı syndaǵy 27-raketkasy ıÝlııa Pýtıntseva Bad-Hombýrg WTA 500 týrnıriniń alǵashqy aınalymynda dúnıejúzilik reıtıngide 86-orynda turǵan grekııalyq Marııa Sakkarıge jol berdi – 5:7, 6:7 (6:8).

Munyń aldynda ıÝlııa Pýtıntseva Nottıngem jarysynyń ekinshi aınalymynan asa almaǵan edi.

Eske sala keteıik, budan buryn Zarına Dııastyń Ispanııadaǵy jarystyń jeńimpazy atanǵanyn jazǵan bolatynbyz.

Sondaı-aq Aleksandr Býblık Galle týrnıriniń eki dúrkin chempıony atandy.