Anna Danılına qatarynan ekinshi týrnırde fınalǵa shyqty

ASTANA. KAZINFORM — Qazaqstannyń juptyq syndaǵy birinshi, álemniń 10-raketkasy Anna Danılına Doha (Qatar) WTA 1000 týrnıriniń fınalyna joldama aldy.

A.Danılına serbııalyq Aleksandra Krýnıchpen birge osy jarysta tórtinshi, al olardyń jartylaı fınaldaǵy qarsylastary, kanadalyq Gabrıela Dabrovskı - brazılııalyq Lýıza Stefanı besinshi raketka bolyp tirkelgen edi.

Qazaqstandyq-serbııalyq jup birinshi partııada qos breık jasaı aldy – 6:3.

Ekinshi set 6:4 esebimen aıaqtaldy.

Bir saǵat 20 mınýtqa sozylǵan básekede Danılına – Krýnıch 2 eıspen birge 9 breık-poınttyń altaýyn múlt jibergen joq. Dabrovskı – Stefanı 2 eıs, 3 breıkpen (11 breık-poınt) kózge tústi.

Osylaısha, A.Danılına – A.Krýnıch ekinshi týrnır qatarynan fınalǵa shyqty. Buǵan deıin olar Aýstralııa ashyq chempıonatynyń fınalyna deıin jetken edi.

Anna Danılına – Aleksandra Krýnıchtiń fınaldaǵy qarsylastary keıin anyqtalady.

Eske sala keteıik, budan buryn Anna Danılınanyń Doha týrnıriniń jartylaı fınalynda oınaıtynyn jazǵan edik.

Elena Rybakınanyń jeńis serııasy Doha týrnırinde toqtady.

Aleksandr Býblık alǵash ret Rotterdam týrnıriniń shırek fınalyna shyqty.

Aleksandr Shevchenko Frantsııadaǵy jarysta eki kezdesýin sátti ótkizdi.