Anna Danılına kambekpen Monterreı týrnıriniń shırek fınalyna shyqty
ASTANA. KAZINFORM — Qazaqstannyń juptyq syndaǵy birinshi, álemniń 6-raketkasy Anna Danılına Monterreı (Meksıka) WTA 500 týrnırin jeńispen bastady.
Japonııalyq Mııý Katomen birge jarystyń 4-raketkasy bolyp tirkelgen qazaqstandyq tennısshi bastapqy kezdesýin qytaılyq Chan I Tan – meksıkalyq Renata Sarasýamen ótkizdi.
Birinshi partııada qytaılyq-meksıkalyq jup 6:4 esebimen basym tústi.
Degenmen budan keıin A.Danılına – M.Kato kambek jasaı bildi – 6:2, 10:6.
Bir saǵat 24 mınýtqa sozylǵan básekede Danılına – Kato 1 eıspen birge 13 breık-poınttyń tórteýin óz esebine jazdy. Qytaılyq-meksıkalyq dýet 2 eıs, 3 breıkpen (6 breık-poınt) kózge tústi.
Anna Danılına – Mııý Katov jartylaı fınalǵa shyǵý úshin reseılik Marııa Kozyreva – ulybrıtanııalyq Maııa Lıýmsdenmen talasady.
Monterreı dodasy 30 tamyzda máresine jetedi.
Eske sala keteıik, budan buryn Tımofeı Skatovtyń AQSh ashyq chempıonatynyń irikteý saıysyn sátti bastaǵanyn jazǵan edik.
