Anna Danılına Indıan-Ýells týrnıriniń fınalyna shyqty
ASTANA. KAZINFORM — Qazaqstannyń juptyq syndaǵy birinshi, álemniń 7-raketkasy Anna Danılına Indıan-Ýells (AQSh) WTA 1000 týrnıriniń fınalyna joldama aldy.
Masters jarysynyń 5-raketkasy bolyp tirkelgen A.Danılına serbııalyq Aleksandra Krýnıchpen birge jartylaı fınalda ıspanııalyq Krıstına Býksha — amerıkalyq Nıkol Melıkar-Martınestiń mysyn basty.
Birinshi partııada qazaqstandyq-serbııalyq jup 6:3 esebimen basymdylyq tanytty. Olar ekinshi sette de esesin jibergen joq.
Bir saǵat 20 mınýtqa sozylǵan básekede Danılına — Krýnıch 3 eıspen birge 14 breık-poınttyń beseýin paıdalandy. Býksha — Melıkar-Martınes bir eıs, 2 breıkpen (4 breık-poınt) erekshelendi.
Anna Danılına — Aleksandra Krýnıch fınalda týrnırdiń 3-raketkalary, chehııalyq Katerjına Sınıakova — amerıkalyq Teılor Taýnsendpen chempıondyq ataqty sarapqa salady. Olar jartylaı fınalda dodanyń 1-raketkalary, ıtalııalyqtar Sara Erranı — Jasmın Paolınıdi utty — 6:2, 6:2.
Eske sala keteıik, budan buryn Indıan-Ýells týrnırinde Anna Danılınanyń fınalǵa shyǵý úshin talasatynyn jazǵan bolatynbyz.
Sondaı-aq shırek fınalǵa shyqqan Elena Rybakına ótken jylǵy kórsetkishin jaqsartty.
Bıllı Djın Kıng kýbogynda Qazaqstan men Kanada quramalarynda kimder oınaıtyny belgili boldy.