Anna Danılına Germanııadaǵy jarystyń jartylaı fınalyna joldama aldy

ASTANA. KAZINFORM – Qazaqstannyń juptyq syndaǵy birinshi, álemniń 53-raketkasy Anna Danılına Bad-Hombýrg (Germanııa) WTA 500 týrnıriniń jartylaı fınalyna shyqty. 

Qazaqstandyq tennısshi qytaılyq Sıýı Ifanmen birge shırek fınalda ulybrıtanııalyq Olıvııa Nıkolls – frantsııalyq Dıan Parrımen synǵa tústi.

Qazaqstandyq-qytaılyq jup bir saǵat 41 mınýtqa sozylǵan tartysty matchta 7:6 (7:4), 7:5 esebimen utty. Olar 4 eıs, 4 breıkpen (9 breık-poınt) kózge tústi. Nıkolls – Parrı 5 eıspen birge 4 breık-poınttyń úsheýin paıdalandy. 

Anna Danılına – Sıýı Ifan fınalǵa shyǵý úshin taıbeılik Hao-Chın Chan – reseılik Veronıka Kýdermetovamen talasady.

Búgin qazaqstandyq tennısshilerdiń Ýımbldon týrnıri irikteý saıystarynyń fınalyndaǵy kezdesýleri sátsiz aıaqtaldy. 

Denıs Evseev belgııalyq Zızý Bergske 1:6, 2:6, 2:6 esebimen jol berse, Tımofeı Skatov chılılik Krıstıan Garınnen asa almady – 2:6, 5:7, 3:6. Beıbit Juqaev frantsııalyq Kenten Galıge 3:6, 4:6, 4:6 esebimen ese jiberse, Mıhaıl Kýkýshkın onyń otandasy ıÝgo Gastonnan utyldy – 2:6, 6:1, 5:7, 1:6. 

Áıelder arasynda Zarına Dııas qytaılyq Chjosıýan Baıdan jeńilip qaldy – 2:6, 5:7.

Eske sala keteıik, budan buryn qazaqstandyq tennısshilerdiń Ýımbldon týrnırinde jeńilissiz kele jatqanyn jazǵan bolatynbyz.