Anna Danılına Germanııadaǵy jarystyń fınalyna bir qadam jetpeı toqtady

ASTANA. KAZINFORM – Qazaqstannyń juptyq syndaǵy birinshi, álemniń 53-raketkasy Anna Danılına Bad-Hombýrg (Germanııa) WTA 500 týrnıriniń fınalynan tys qaldy.

Qazaqstandyq tennısshi qytaılyq Sıýı Ifanmen birge jartylaı fınalda taıbeılik Hao-Chın Chan – reseılik Veronıka Kýdermetovamen betpe-bet keldi.

Qytaılyq-reseılik jup 6:3, 6:2 esebimen basym tústi. 1 saǵat 15 mınýtqa sozylǵan matchta A.Danılına – S.Ifan 1 eıspen birge 7 breık-poınttyń bireýin ǵana paıdalandy. Qarsylastary 3 eıs, 4 breıkpen (9 breık-poınt) kózge tústi. 

Aldaǵy aptada qazaqstandyq tennısshiler jyldyń basty dodalarynyń biri – Ýımbldonda baq synaıtyn bolady. 

Eske sala keteıik, budan buryn Ýımbldonda Rybakına men Pýtıntsevanyń qarsylastary anyqtalǵanyn jazǵan bolatynbyz. 

Sondaı-aq Ýımbldonda erler arasynda jekeleı synda Býblık pen Shevchenko óner kórsetedi.