Anna Danılına Frantsııadaǵy týrnırdiń shırek fınalyna shyqty
ASTANA. KAZINFORM — Qazaqstannyń juptyq syndaǵy birinshi, álemniń 7-raketkasy Anna Danılına Sen-Malo (Frantsııa) chellendjer týrnıriniń shırek fınalyna joldama aldy.
Jarystyń 1-raketkasy bolyp tirkelgen A.Danılına amerıkalyq Eıja Mýhammadpen birge bastapqy kezdesýinde taıbeılikter Ie Tsen Cho – Hsýan Choǵa tap keldi.
Match 6:2, 6:3 esebimen qazaqstandyq-amerıkalyq juptyń paıdasyna sheshildi.
Bir saǵattan astam ýaqytqa sozylǵan básekede Danılına – Mýhammad 8 breık-poınttyń teń jartysyn óz esepterine jazdy.
Anna Danılına – Eıja Mýhammad jartylaı fınalǵa shyǵý úshin reseılikter Irına Hromacheva – Ksenııa Zaıtsevamen talasady.
A.Danılına – E.Mýhammad osyǵan deıin Madrıd WTA 1000 týrnırinde alǵashqy aınalymda-aq utylyp qalǵan edi.
Eske sala keteıik, budan buryn Shymkent týrnırinde Denıs Evseevtiń 18 jastaǵy Ámir Omarhanovty jeńgenin jazǵan bolatynbyz.
