Anna Danılına Frantsııadaǵy týrnırdiń fınalyna joldama aldy

Qazaqstannyń juptyq syndaǵy birinshi, álemniń 56-raketkasy Anna Danılına Anjer (Frantsııa) chellendjer týrnıriniń fınalyna shyqty, dep habarlaıdy Kazinform.

Jarystyń 2-raketkasy A.Danılına reseılik Aleksandra Panovamen birge jartylaı fınalda nıderlandtyq Bıbıana Shoofs – belgııalyq Kımpberlı Tsımmermanmen synǵa tústi.

Tartysty órbigen birinshi partııada qazaqstandyq-reseılik jup taı-breıkte sheshýshi sátte tarazy basyn ózderine aýdara aldy – 7:6 (9:7). Ekinshi sette basymdylyq aıqyn baıqaldy – 6:2. 

Saǵat jarymǵa jýyq ýaqytqa sozylǵan báseke barysynda Anna men Aleksandra eıs jasamaǵanymen, 9 breık-poınttyń úsheýin paıdalandy. Bıbıana men Kımpberlı 2 eıs, 1 breıkpen (8 breık-poınt) kózge tústi.

A.Danılına – A.Panovanyń fınaldaǵy qarsylastary keıin anyqtalady.

Eske sala keteıik, budan buryn Anna Danılınanyń Frantsııadaǵy týrnırdiń jartylaı fınalyna ótkenin jazǵan bolatynbyz.