Anna Danılına Dýbaıdaǵy týrnırdiń shırek fınalyna joldama aldy

ASTANA. KAZINFORM – Qazaqstannyń juptyq syndaǵy birinshi, álemniń 7-raketkasy Anna Danılına Dýbaı WTA 1000 týrnıriniń shırek fınalyna shyqty.

Jarystyń 4-raketkasy bolyp tirkelgen A.Danılına serbııalyq Aleksandra Krýnıchpen birge ekinshi aınalymda úndistandyq Rýtýıa Bhosale – taılyq Peangtarn Plıpýekke qarsy keldi.

Birinshi partııada qazaqstandyq-serbııalyq jup 6:3 esebimen basymdylyq tanytty.

Esesine ekinshi sette Bhosale – Plıpýek 5:3 esebimen alǵa ketti. Degenmen Danılına – Krýnıch tarazy basyn teńestirip qana qoımaı, taı-breıkte jeńisti julyp aldy – 7:6 (7:4). 

Bir saǵat 44 mınýtqa sozylǵan básekede Danılına – Krýnıch 2 eıspen birge 10 breık-poınttyń úsheýin paıdalandy. Bhosale – Plıpýek 2 breıkpen (9 breık-poınt) shekteldi.

Anna Danılına – Aleksandra Krýnıch jartylaı fınalǵa shyǵý úshin ýkraınalyq Lıýdmıla Kıchenok – amerıkalyq Dezıre Kravchıkpen talasady.

Bıyl qazaqstandyq-serbııalyq dýet Aýstralııa ashyq chempıonatynyń fınalyna deıin jetse, ótken aptada Doha WTA 1000 jarysynda úzdik shyqqan edi.

Eske sala keteıik, budan buryn Elena Rybakınanyń Dýbaıdaǵy týrnırdiń úshinshi aınalymyna shyqqanyn jazǵan edik.