Anna Danılına Dýbaı WTA 1000 týrnıriniń ekinshi aınalymyna ótti

DÝBAI. KAZINFORM - Qazaqstannyń juptyq syndaǵy birinshi raketkasy Anna Danılına Dýbaı WTA 1000 týrnıriniń ekinshi aınalymyna ótti.

Qazaqstandyq tennısshi qytaılyq Chjan Shýaımen birge bastapqy kezdesýin brazılııalyq Ingrıd Gamarra Martıns - ýkraınalyq Nadejda Kıchenokpen ótkizdi. Qazaqstandyq-qytaılyq jup 6:4, 6:3 esebimen jeńiske jetti.

Bir saǵat 15 mınýtqa sozylǵan matchta olar 4 eıspen birge 9 breık-poınttyń tórteýin paıdalana bildi. Qarsylastary 2 eıs, 2 breıkpen (5 breık-poınt) shekteldi.

Anna Danılına - Chjan Shýaı shırek fınalǵa shyǵý úshin jarystyń 2-raketkalary, kanadalyq Gabrıela Dabrovskı - jańa zelandııalyq Erın Rýtlıfpen talasady. 

Eske sala keteıik, budan buryn Elena Rybakınanyń Doha týrnıriniń fınalynda álemniń 1-raketkasyna jol bergenin jazǵan bolatynbyz.