Anna Danılına Doha týrnıriniń jartylaı fınalynda oınaıdy

ASTANA. KAZINFORM — Qazaqstannyń juptyq syndaǵy birinshi, álemniń 10-raketkasy Anna Danılına Doha (Qatar) WTA 1000 týrnıriniń jartylaı fınalyna shyqty.

Serbııalyq Aleksandra Krýnıchpen birge jarystyń 4-raketkasy bolyp tirkelgen A.Danılına shırek fınalda aýstralııalyqtar Storm Hanter - Maııa Djoıntqa qarsy keldi.

Birinshi partııada qazaqstandyq-serbııalyq jup 6:2 esebimen basymdylyq kórsetti.

Ekinshi set aýstralııalyqtardyń enshisinde ketti - 6:4.

Sýper taı-breıkte Anna men Aleksandra qarsylastaryn qapy qaldyrdy - 10:4.

Bir saǵat 27 mınýtqa sozylǵan básekede Danılına - Krýnıch 1 eıspen birge 15 breık-poınttyń beseýin qur jibergen joq. Hanter - Djoınt 1 eıs, 4 breıkpen (9 breık-poınt) kózge tústi.

Anna Danılına - Aleksandra Krýnıch fınalǵa shyǵý úshin dodanyń 5-raketkalary, kanadalyq Gabrıela Dabrovskı - brazılııalyq Lýıza Stefanımen talasady.

Eske sala keteıik, budan buryn Anna Danılınanyń Doha týrnıriniń shırek fınalyna shyqqanyn jazǵan edik.

Sondaı-aq Rotterdam týrnırinde Aleksandr Býblık azýly qarsylasynan aılasyn asyrdy.

Elena Rybakına Qatardaǵy týrnırde Olımpıada chempıonyn utty.