Anna Danılına Doha týrnıriniń shırek fınalyna shyqty

ASTANA. KAZINFORM — Qazaqstannyń juptyq syndaǵy birinshi, álemniń 10-raketkasy Anna Danılına Doha (Qatar) WTA 1000 týrnırin sátti bastady.

Serbııalyq Aleksandra Krýnıchpen birge jarystyń 4-raketkasy bolyp tirkelgen A.Danılına ekinshi aınalymda kanadalyq Leıla Fernandes – frantsııalyq Krıstına Mladenovıchke tap keldi.

Birinshi partııada qazaqstandyq-serbııalyq jup 6:2 esebimen basym tústi. 

Ekinshisinde kanadalyq-frantsııalyq dýet ese qaıyrdy – 6:4. Degenmen sýper taı-breıkte Danılına – Krýnıch jeńisti julyp aldy – 10:4. 

Bir saǵat 21 mınýtqa sozylǵan básekede Danılına – Krýnıch 2 eıspen birge 6 breık-poınttyń tórteýin paıdalandy. Fernandes – Mladenovıch 3 breıkpen erekshelendi.

Anna Danılına – Aleksandra Krýnıch jartylaı fınalǵa shyǵý úshin aýstralııalyqtar Storm Hanter - Maııa Djoıntpen talasady. 

Budan buryn A.Danılına – A.Krýnıch Aýstralııa ashyq chempıonatynyń fınalyna deıin jetken edi.

Eske sala keteıik, budan buryn Elena Rybakınanyń Dohadaǵy týrnırdiń úshinshi aınalymyna joldama alǵanyn jazǵan edik.